流淚芝士飽

流淚芝士飽

用返上次既流淚飽飽材料分量, 同樣放入麵包機, 揉好麵糰後蓋上濕布, 然後放入焗爐發酵1小時~

拿出稍作造型, 然後中間放入摺好芝士片包好, 摺口位向下放上焗盤, 麵糰面可以曬上麵粉作為裝飾, 然後置一旁作最後發酵15-30分鐘 (此時可預熱焗爐180度)~

最後將麵糰入焗爐150度焗15分鐘, 其間留意顏色變化, 如覺太深色, 可放張錫紙在包面或焗爐改用下發熱線~

製成品鬆軟可口, 正啊~

紫菜包蛋卷 (Laver Egg Rolls)

紫菜包蛋卷 (Laver Egg Rolls)

好花心思既一道菜 (我認為, 哈哈)~ 不過見小朋友食得開心都ok~~

 

材料：

蛋4隻

紅蘿蔔切丁粒

蔥花少許

味淋1湯匙

鹽半茶匙

豉油少許

 

 



響螺頭陳腎無花果節瓜燉瘦肉湯

響螺頭陳腎無花果節瓜燉瘦肉湯

節瓜通常會配章魚煲湯, 今日燉湯放唔入隻章魚, 改用同樣帶有海水味既響螺頭, 再加埋個陳腎、無花果, 既滋陰又養顏嫁~

XO醬炒洋蔥排骨 (Fried Pork Ribs with XO Sauce & Onion)

XO醬炒洋蔥排骨 (Fried Pork Ribs with XO Sauce & Onion)

XO醬好方便, 炒菜炒肉都經常可以用到, 今晚用"利苑"XO醬, 味道偏辣少少, 夠晒惹味~

粟米肉粒飯 (Diced Pork with Sweet Creamed Corn)

粟米肉粒飯

兒時回憶之一, 到而家阿仔超like既其中一個餸~

菜遠燒肉

菜遠燒肉

無錯, 呢個唔係菜遠牛肉, 而係菜遠燒肉~ 蒜蓉爆香燒肉後放入菜心苗, 然後稍加鹽、糖及少少水, 2分鐘即食~

南乳炆齋 (Braised Assorted Vegetables with Fermented Red Beancurd)

南乳炆齋

中秋佳節倍思貓...炆粗齋好容易, 只係預備既材料較多, 每樣少少已經可以炆出一大碟, 而分好先後次序落鑊就最緊要, 我會將材料洗好然後排好隊, 準備逐一分次序加入, 最後淋上少少麻油即成~

 

材料：

南乳2磚連汁

紅棗3粒、薑片

節瓜一條

紹菜半斤

豆卜4兩

雪耳1/4個

支竹4兩

馬蹄6粒

木耳

粉絲2扎

煎釀三寶 (Stuffed Bell Peppers)

煎釀三寶

因為我都唔鐘意食青椒關係, 所以整親呢個餸都會係得黃紅椒XD

豉油皇炆豆腐燒肉

豉油皇炆豆腐燒肉

禽日食剩左d燒肉, 今日買磚豆腐煮左佢~ 今次選用硬豆腐, 先用油煎香兩面, 然後加蔥段同燒肉, 再加汁料(生抽、老抽各1湯匙, 黃糖2茶匙, 最後生粉水埋芡)就煮好~

Soft Boiled Eggs with Parma Ham

Soft Boiled Eggs with Parma Ham

今晚無乜胃口食飯, 咁啱雪櫃有包parma ham, 烚埋隻半生熟蛋咁就一餐嘞~ 平時都可以整呢個作為小食招呼朋友喎~

菜遠牛肉

菜遠牛肉

今次呢個菜遠牛肉既牛肉唔係放上面既, 係先炒香牛肉然後放入切段菜心, 我覺得咁樣除左好味d外, 仲可以慳d油、鹽添~

炒土豆絲

炒土豆絲

土豆絲即係薯仔絲, 因為薯仔都幾吸油, 建議炒土豆絲改用易潔煎pan可以用少d油健康d~ 同埋都係加點辣椒先更惹美~~

紅蘿蔔南北杏果皮燉響螺頭鱷魚肉湯

紅蘿蔔南北杏果皮燉響螺頭鱷魚肉湯

有人咳到爆肺, 今日加重料燉呢個湯幫助順氣除痰止咳~

南北杏百合無花果瘦肉燉響螺頭鱷魚肉湯

南北杏百合無花果瘦肉燉響螺頭鱷魚肉湯

秋風起如果再加幾聲咳可以燉呢個湯~

無花果雪耳雪梨燉瘦肉湯

無花果雪耳雪梨燉瘦肉湯

又一秋天滋潤燉湯推介, 瘦肉可落可唔落~

燉淮山杞子圓肉響螺頭瘦肉湯

燉淮山杞子圓肉響螺頭瘦肉湯

立秋後開始乾燥, 開始飲定滋潤湯水就較容易度過寒冬嘞~ 今日用乾螺頭燉瘦肉, 能滋陰養顏~ 記得燉湯不能用螺片, 因為螺片經過加工, 全無療效可言, 勉強只可以拿來煲湯吊下味...

淮山：性平， 功效： 補脾胃， 益肺腎。 可用於脾胃虛弱， 肺虛久咳之時

杞子：性平， 功效： 能補腎潤肺、 生精益氣， 養肝明目。 是平補之藥

圓肉：益心脾，補氣血，安神。治虛勞羸弱，失眠，健忘，驚悸，怔忡

響螺：滋陰養容，利尿，生津作用

霸王雞

霸王雞

霸王雞或者有人叫蔥油雞~ 喜歡食蔥既朋友可以任性地加蔥上去, 實在係美味非常~

做法：

1. 將雞洗淨清好內臟, 用鹽1湯匙及少少酒抺勻整隻雞, 然後放雪櫃醃一晚

2. 雞拿出稍為攤暖, 然後連同薑及蔥放入大煲滾水內, 等水再次滾起後轉中火煮10分鐘, 然後關火焗25-30分鐘

3. 雞拿出倒乾水, 然後抺上麻油, 攤凍後斬件/剪件備用

4. 蔥絲加半茶匙鹽, 爆油後放上雞面即可

涼拌腐乳秋葵

涼拌腐乳秋葵

繼續健康飲食, 秋葵是也~

 

涼拌麻醬秋葵

涼拌麻醬秋葵

秋葵其實都有唔少煮法既, 今日試呢個麻醬涼拌既, 真係好爽口, 好清新美味~

日韓式紫菜飯糰

日韓式紫菜飯糰

夜晚突然間好想食大大件飯糰, 仲要係辣嗰隻, 打開雪櫃搵到樽韓式辣烤肉醬, 拿拿淋拎熱白飯出黎撈下、搓下、搵塊紫菜夾住, 好食又惹美既日韓紫菜辣辣飯糰就食得!

涼拌木耳

涼拌木耳

屋企隻豬較肥, 得閒要整下減肥降血脂既食物比佢~ 其中呢道涼拌菜既簡單又好味, 可以成日整~

 

調味料：

白醋 半湯匙

黃糖 1.5茶匙

生抽 少許

鹽 少許

麻油 1湯匙

蒜頭2瓣切蓉

蔥碎/辣椒碎 隨意

做法：

1. 木耳浸水發好後沖洗乾淨, 熱水下木耳滾兩分鐘後拿出沖凍水, 然後淨水沖乾後瀝水

2. 瀝乾水後用手撕成細片, 加入調味料後放雪藏最少30分鐘即可

檸檬薏米蜂蜜水

檸檬薏米蜂蜜水

得閒煲下薏米水排水去水腫, 尤甚啱夏天飲, 夠晒消暑又可以美白~

做法：

1. 薏米一把, 浸水3小時後沖洗乾淨, 煲約1小時, 拿出放杯中稍放涼後加蜂蜜、檸檬即可 (飲剩既我會放雪櫃留待第二天原味飲用)

桑菊銀花北茋茶

桑菊銀花北茋茶

呢一年眼睛keep住敏感痕痒, 眼角周不時紅腫、流眼水, 睇過西醫叫我唔好化妝, 然後開左d眼藥水...咪講笑, 唔比化妝點得....曾經換晒眼部化妝品、卸妝品, 天然呀有機呀用埋都唔掂, 每朝起身見眼角腫晒同不停流眼水真係超級down...反覆好下唔好下咁折磨左成年, 無意間睇到以下個分享, 中醫我不嬲都buy既, 即管執左三劑試下, 再加埋用佢黎敷眼5分鐘, 唔係話好晒, 不過真係好到8成, 起碼朝早化完妝唔會再標眼水, 眼角都開始乾同無咁紅, 痕痒消失, 所以呢度方真係要推介比各位受眼睛敏感困擾既人啊~

Quote"敏感體質的小朋友, 除了容易皮膚敏感, 氣管敏感, 眼睛同樣會出現敏感, 一接觸致敏物質, 眼皮就會紅腫痕癢, 甚或眼球紅赤, 久久不退。

[桑菊銀花北茋茶] 有疏風清熱, 抗眼睛過敏功效, 對小朋友眼睛紅赤, 眼皮腫脹, 痕癢不適很有幫助。

用料是: 嫩桑葉(桑葉也可以)3錢, 菊花3錢, 金銀花3錢, 甘草1錢, 蟬蛻1錢, 北茋3錢, 防風2錢

做法: 將全部材料浸洗, 用4碗水煮約40分鐘成2碗分上午、中午兩餐後飲用, 連服5天。

~ 小貼士: 嫩桑葉味道清香, 其疏風明目功效好, 如無嫩桑菊, 用普通桑葉亦可, 此茶對體質虛弱的小兒飲用亦無妨"

原著如下：
http://www.healthy-food.hk/?p=2320

煉奶飽飽

煉奶飽飽 (1st try)

呢個食譜無用流淚粉, 用既係意大利高筋麵粉, 不過呢隻麵粉似乎吸水性差d, 搞到麵團好濕, 後期夾硬加多點麵粉迫佢成形先叫焗到, 不過成品味道好好, 好軟熟、輕輕一陣奶油味, 小朋友食到唔停咀~ 拉下d有2nd try既成功版, 以下食譜已改良~

材料：

高筋麵粉 250g

鹽 3g

黃糖 30g

煉奶 20g

無鹽牛油 30g

牛奶 150g*

即溶酵母 4g

*提示：每種麵粉吸水性都唔同, 所以牛奶份量必須自行調節, 我都係做第二次先成功咋~

做法：

1. 將以上材料全部加進麵包機製成麵團 (即溶酵母可能要另外分隔擺), 製成麵團後發酵60分鐘至成兩倍大麵團, 然後平均分割至你想要的大小形狀, 放勞盤上再進行第二度發酵至兩倍大 需時大約30分鐘 (可以見到麵團係濕濕的...)

2. 粉團撤上少許高粉, 然後放進預熱焗爐, 160度焗20分鐘, 期間要觀察麵包上色情況而有需要調低溫度 (就係呢隻意大利高粉, 吸水性較低, 如果你用呢隻粉, 牛奶份量可能要減至120g)

 

煉奶飽飽 (2nd try)

經過上次失敗(麵團太濕), 今次改用日本高筋麵粉, 果然吸水性大d, 麵團可以成形, 味道其實一樣可口鬆軟~

川貝南北杏無花果蘋果雪耳燉瘦肉湯

川貝南北杏無花果蘋果雪耳燉瘦肉湯

立秋後雖然天氣未係好涼, 不過都開始飲定d防燥湯水, 以防秋冬乾燥~ 今日燉呢個湯加左川貝仲有止咳作用, 小朋友初起咳嗽唔使咁快食藥, 可以試下燉d湯水佢飲先~

酸忌廉焗薯 (Baked Potato with Salami & Cheese, Sour Cream topping)

酸忌廉焗薯 (Baked Potato with Salami & Cheese, Sour Cream topping)

整New York Cheesecake剩左一大盒Sour Cream, 掉左會好浪費, 可以留返第二日用黎焗薯仔當晚餐就最好嘞~

材料：

薯仔兩個

切粒 Salami 適量

Mozzarella Cheese 一片

有鹽牛油一小舊約10g (無鹽牛油就自己加少少鹽調味)

黑胡椒碎少許

沙律醬半湯匙

做法：

1. 薯仔烚15-20分鐘, 不要開蓋再焗30分鐘

2. 薯仔拿出, 用刀界開中間長方形狀, 拿出薯蓉到大碗, 拌勻Salami、芝士、牛油、黑胡椒碎及沙律醬

3. 將混合物放回薯仔, 然後放入已預熱焗爐150度焗40分鐘

4. 加上Sour Cream及香草碎即可